Yèr, Laurent Cayrel la done bann shif. Lé gayar tousala. Na rienk 1.500 rénioné té shikoungounyé sèt somèn. Lé vréman doss. Moustik, i paré, i komanss mèt palto akoz livèr i ariv.

Wi, lé vré livèr i ariv, soman i doi pa voir lo takon miniss i sar débarké zédi prosin. Po konstaté "tout" sat la Frans la fé po èd anou sobat kont bann pikèr-shik’. L’anvoy prodwi, l’anvoy larmé, médsin solidèr èk ponpié, zinfirmièr. Rèzman lo préfé la anons la koulèr, po di nana ankor in tralé zaksion po vienbou palank sitiasion-là.

Zédi é vandrodi proshin, De Villepin èk son miniss la santé, son minis bann DOM, i vien dir anou koman i avans la rosèrs, po géri tout bann rénioné mavouzé èk in pikir moustik.

Justin