Médame, zé Méssyé, la sosyété, koze èk mwin sé koze èk in kouyon, mé sé o pyé d’lo mir k’i oi lo vré masson.

Mézami souvan dé foi ou néna dann lidé in fors an déor l’apré mète aou-kissoi in lantropriz, kissoi in ménaz demoune-dann difikilté. Lé possib wi sava oir dovinèr pou sa é wi domande ali kissa l’apré koupe aou an dsou konmsa. Lo dovinèr i pé lire dann la sande do boi épi dir aou sak li panss : défoi sé la vérité, sansa la vérité ou lé kapab antann é lé shoz i pé aranjé, konm pa. Lé difissil pou in moun an déor dire-mèm si li oi, sansa li sipoze – sé dann oute prop lantaouraz ké néna lo zèf gaté ! sé dann oute prope lanturaz k’i foi rode lo virus. I pé z’ète in moune prosh de ou, wi sipoze mèm pa, é wi done ali in brové lonèkté-dizon lo bondyé san konféssé-. Défoi sé ou mèm l’apré détrui aou par oute zérèr. Provèrb mwin la mark an-o la, in provèrb AÏti é i fo rokonète sé in provèrb dë sazèss.

Sé pou sa mi kite azot rofléshi la dsi é ni artrouv opli d’van. Sipétadyé.

NB :« Cé ratt kaille mèm kap manjé kaille »-provèrb Aïti