Zordi nana in takon zafèr po dir. Mé dan ékèl bous i sar kozé ? De Villepin, son bann miniss, va rakont in tralé langazman. Oté, soman n’i préfèr ou ar’mersi tout bann CES CEC i espèr CAE po manzé. Di azot mersi, porézon azot osi la mèt la min ansanm po démoustik moustik, po déshik lo shik.

Mi espèr bann gro zanvlop là va sèrv po la rosèrs po vienbou kalbit maladi-là. Lo shik la po kariat tout bann rénioné. Si fé pa in kont, tout lo pé sora shik’mavouzé. Sinonsa, n’i ar’di aou : kontini port kostar, somiz manslong aou, pssitt aou, lespiral aou. Somansa, oubli pa sak i mèt savat, i vé travay po palank aedes-la.

Justin