Oté

« Ségnèr lo tré-o, kado anou in moun pou konprann anou, plito k’in moun pou ofèr anou bonpé kado »

In kozman pou la rout

Justin / 29 zwin 2020

JPEG - 43.6 ko

Mésyé zé dam, la sosyété koz èk moin sé koz èk in kouyon, mé sé o pyé d’lo mir k’i oi lo mason. Mézami, koméla néna la fète dé pèr. Mon kozman sé pou anparl provèrb marokin moin la trouv dsi l’internet mé la pa oblizé alé laba pou trouv dé shoz i pé étone anou. Ala in zistoir vré moin la antann avèk mon dé zorèye épi in sénario moin la vi avèk mon dé zyé. In bon dalon amoin, la fé in diskour son bann marmaye épi son madam lo zour la fète dé mèr-zis kan l’ariv désèr. Li la di : « Sègnèr lo tré-o, pa bézoin kado amoin arien zordi, plito si, kado amoin in madam konm mon madam mé k’i konpran amoin, kado amoin zanfan konm moin néna mé k’i konpran amoin. Epi la la mète anplis : « é ké moin mi nyabou konprann azot. ». Sa in gran kado sa ! Alé ! Mi kite azot rofléshi la dsi é ni artrouv pli d’van. Sipétadyé.