Oté

« Seki nou semer apre nou recolter * »

In kozman pou la route

Justin / 2 avril 2021

JPEG - 43.6 ko

Mézami, mi sorte lir kozman-la dsi lo fasbouk Olivier Bancoult. Pou kossa nout dalon shagossien i di sa ? Pars banna néna in zardin laba dann Maurice é zot i plante in pé toute sorte zafèr pou manzé. Sé konmsa zot la plante sak issi ni apèl « zariko in mète » é banna laba i apèl sa « brème » : in zariko k’i lyane épi zot néna bann pti zakrosh natirèl pou grinp dsi griyaz, pti bambou épi d’ote sipor-mi panss sa i apèl vriye - épi sa i done gran-gran zariko i pé fé salade ansanm… Astèr alon oir si kozman nout dalon la di i pé avoir in porté pou noute viv ansanm-avèk dan la sosyété é ni oi sa lé vré pou vréman : ni rékolt sak nou la sémé é sa sé la vérité. Mé antansyon ! Antansyon sak ni plante : si ni plante bon-bon zafèr ni pé rékolt bon-bon kékshoz. Mé si ni plante in mové zafèr, ni pé ramass mové kékshoz. Pou mon par, mi oi sa konm in loi d’la vi, in prinsip pou viv an parmi l’moun dann la sosyété. Alé ! Mi kite azot rofléshi la dsi é ni artrouv pli d’van. Sipétadyé.

*Ni rékolt sak ni plante.