Mé si i di in n’afèr konmsa, sa i vé dir poisson néna touzour mé zot la vni pli malin k’lo péshèr é pli éfikass ké zot matéryèl. Zot i lèss pa lo péshèr trap azot pars zot i méfyé lo zin, zot i méfyé lo zapa, zot lé pli rizé ké lo pèshèr li mèm.

Biensir sé in plézantri pars la réalité sé ké la kantité poisson la diminyé par rapor la polission la mèr, par rapor léshofman d’lo, par rapor la kantirté gaz karbonik néna dann lo, par rapor sinploman la kantité poisson demoune la trapé kissoi kan la bate delo, kissoi avèk fizi soumarine, kissoi ankor avèk bann déshé i dévèrs dan la mèr.

Donk i fo in protékssion lo milyé marin, in limitassion dann lo droi péshé, konmsa banna i éspèr bann poisson va rovni.. Mé alor ni pé dir la pa poisson li koné lir, sé bann péshèr k’i lir pa assé, sé bann protéktèr la natir k’i protèz pa assé.pétète bann konéssèr la mèr k’i koné pa assé.

Donk la solission lé dann l’édikassion demoune é sirman pa dann lédikassion poisson. La dsi mi kite azot rofléshir é ni retrouv pli dvan, sipétadyé.

Justin