San mantir mwin la touzour vi mon famiye garde son somanss pou prézèrv la varyété sak li néna pou pa mank manzé. Souvan défoi i fé l’éshanj rante voizin épi kamarad é konmsa mèm demoune téi garde lo nésséssèr pou planté. Mèm kann mwin la vi mon famiye konsèrv in pti karo kann lontan pou arplante in karo.

Mi rapèl-dann tan la kriz jarniome — mwin la rakont azot, koman Ti-George Hoareau, lo papa Danyèl, l’avé plante in touf géranium dann fon son kour pou rolanss son prodikssion pou lo ka la préféktir téi lèss plante jarniome dsi la lign sissan. Malorozman li la zamé vi lo préfé anil son larété é li la gingn lo tan kite la tèr Sa i fé parti listoir La Rényon sa !

Astèr mi pé dir azot par plézantri, kan in moune i viv vyé-katrovin dizan par la-, demoune téi plézante é téi domann si li déssidé ress dsi la tèr pou lo grin.

Alé ! Mi kite azot rofléshir la dsi é ni retrouv pli dvan, sipétadyé.

Justin