Gramoune l’avé bien di é zot l’avé rézon,
Tro kozé mon zanfan mi panss sa la pa bon,
Tazantan si wi gingn fèrm in pé oute také,
Sa va évite aou zannui pou oute santé.

In matin, lèr Bardzour, i blanshi lorizon,
La pa défandi fé sa mé an prékossyon,
Sèrpan avèk Gronouy apré bien proméné,
Mi koné pa poukoué, inn dsi l’ot la bité.

Nora p’ariv arien si zot dé l’avé bien,
Fé konmsi inn é l’ote l’apré pass zote shomin,
Olèrk arète, konmsa pou blag dan la kroizé,
Sirtou kan wi koné Gronouy lé a toupé.

Konpèr Sèrpan, wi sava oussa so matin ?
Rode pa ! i garde pa ou, mi suiv mon shomin,
In poin sé tou, Sèrpan la boush ali,
Dabor mi yèm pa Gronouy okipère d’ki.

Fab-la la pankor fini-si zot i vé bien na oir la suit