Oté

Sèrpan ansanm gronouy. In fab péi malgash

Justin / 5 octob 2019

JPEG - 43.6 ko

Gramoun l’avé bien di é zot l’avé rézon,
Tro kozé mon zanfan ditou sa la pa bon,
Tazantan si ou i gingn fèrm in pé out také,
Sa va évite aou traka pou out santé.

In matin, lèr Bardzour, i blanshi lorizon,
La pa défandi fé sa mé an prékosyon,
Sèrpan avèk Gronouy apré bien proméné,
Mi koné pa poukoué, inn dsi l’ot la bité.

Nora pa riv arien si zot dé l’avé bien,
Fé konmsi inn konm l’ot apré pass son sh’min,
Olèrk arète, konmsa pou blag dan la kroizé,
Sirtou kan ou i koné Gronouy lé a toupé.

Konpèr Sèrpan, ou i sava ou so matin ?
Rode pa, i gard pa ou, mi suiv mon shmin,
In poin épi sé tou, Sèrpan la boush ali,
Dabor mi yèm pa Gronouy okipèr d’ki.

Fab-la la pankor fini-si zot i vé bien na oir la suit lindi.