Mézami, koméla i oi pi konm avan, la po koulèv flotan dan van épi akroshé avèk in mir galé. Mwin lé a d’mandé si la rass koulève lé ankor la. Mwin lé a d’mandé si bébète-la la pan kor disparu. Mi souète non, mé mwin lé pa assuré san pour san.

Anfin la pa toussa pars nou l’apré koze in provèrb nou la, é in provèrb, sak i konte sé son l’aplikassion dan la sossyété-mèm la sossyété modèrn ni koné zordi.

Kozman-la, médame zé méssyé i di bien sak li di. Zot i koné lo lou la mète in po d’mouton dsi li ébin lé sé touzour lo lou. Parèye pou lo sèrpan.

Alon pran lo ka in pèrsonaze politik : li aprope son langaze, li tir sak demoune i yèm pa, antouléka li abiye sa in n’ote manyèr ; wi diré sé pi lo parèye-o-mèm..

Boudkonte li a pa shanjé é si wi done ali lokazyon aplike son program an kouyon, ou néna pou gouté. Pétète ankor sinkan ! mé konm i di rossanblans avèk in sitayssion zordi sré in sinp azar.
Alé ! mi kite azot pou zordi é ni artrouv pli d’van. Sipétadyé.

Justin