In sobatkoz initil si l’avé solman aplik lo plan La Réjyon l’ané 1998-donk lo plan Paul Vergès donk ankor lo plan nout pati kominiss. Sa i apèl ankor lotonomi énèrzétik. In plan ni pé rézime dann in sèl boute fraz : issi nou la pa bézwin pétrol banna… Pou kossa ? Pars bann sours lénèrzi i mank pa dann nout mpéi-il La Rényon.

Konbien foi nou la antan dir épi répété lénèrji la pa solman zot pétrol. Lénèrji sa néna partou issi é la pa bézwin alé rode la ké la mori pou tyrouv in n’afèr konmsa. Lénèrzi i mank anou ? Bin alor nou néna dolo, nou néna lo van, nou néna solèye, nou néna la biomass, nou néna ankor la géotèrmi,. Biensir nou na pwin bann zénèrzi fossil mé nou néna lé zot é vin-sètan té larzman assé pou dévlop azot, pou trouvsir plass san alé rode sa ayèr.

In plan dsi vinnsètan té larzman assé pou trap nout lotonomi énèrzétik é pou protèz anou kont lo wati-watia la politik mondyal si solman nou l’avé mète an valèr léstréssité lénèrzi nou téi gingn trouv sir plass.. Non nou la krash dsi lénèrji non fossil sof in pti pé par-si par-la san fèr lé shoz a nout éshèl an kantité sifizante.

Sèryèzman mézami pou kossa nou lé pyé é pwin amaré avèk bann produi pétrolyé alé oir ni pé s’anpass de sa. Nou la pa bézwin zot pétrol. Nout bann sours d’énèrzi sa lé assé pou nou.

A bon antandèr salu !

Justin