Mézami, dan la vi, néna dé shoz inportan, d’ote lé moinss-ni pé di, sa i pass sogon plan pars la pa sa va anpèsh anou dormir, la pa sa non pli va fèr anou in gran plézir, donk lé pa inportan é sé pou sa ni di sak nou la marke an-o la.

Mi rapèl mon vyé granmèr téi di sa tazantan suivan l’imèr èl lété d’dan é suivan son lanvi pou amadoué kékshoz téi fé pa plézir forsséman. Mèm parfoi pou fé konprann in moune lété fyèr pou in n’afèr son ane té inn bourik.

Mon granmèr téi gingn fé sa é si possib mwin nora done aèl lo post anbassadèr. An atandan, mi souète zot i rofléshi la dsi é ni rotrouv pli d’van, sipétadyé.

Justin