Sa sé in n’afèr ni konpran san difikilté. Etan pti l’ariv amoin souvan dé foi bonbard lo shien kou d’galé. Zot va dmann amoin pou kosa. Mi gingn ar pa réponn azot pou vréman é moin lé sir tout sak la fé sa i pé pa ésplik son zès. Lété konmsi té in n’afèr antomatik shé nou, konm in roflèks. Mé oila, souvan défoi lo shien néna son mètr é malèr aou si li la koni ou la martiriz son shien… Mé dann tousa, si néna in loson pou tiré sé azi pa a la lézèr pars ou lé riskab gingn zanuiman san k ‘ou i atann avèk domoun. An pliské sa kan ou té pti ou téi pé gingn malizé avèk lo moun mé galman avèk out prop famiy-l’édikasyon té konmsa sa avan ! Alé ! Mi kite azot rofléshi la dsi é ni artrouv pli d’van. Sipétadyé !