Médame, zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami dann toute lang, néna toute sort rozistr kozé :in pé i koz poliman, in pé i koz grossyé, d’ote néna in kozé distingué, d’ote ankor lé pédagojik dann zot kozé é sa lé vré pou toute lang épi toute son bande lokitèr. Lé vré pou n oute kréol rényoné.

Sé pou sa kan in moune i di li va koz kréol épi li komanss par larg in bordé lo mo grossyé, déssèrtin i pé kroir koz kréol sé koz grossyé, koz boush sal konm Axel Gauvin i yèm dir. Mé fransh vérité la pa sa ditou é toute sak i koz kréol i koné bien. 

An atandan shakinn i shoizi son rozist pou kozé, é par pityé, bondyé, sharité alon évite koz boush sal, mé plito dizon dann in rozist i pass bien an sossyété. Alé ! mi kite azot rofléshi la ds é ni artrouv pli d’van.

Sipétadyé