Mésyé zé Dam, la sosyété, koz èk moin sé koz avèk in kouyon mé sé o pyé d’lo mir k’I oi lo mason. Mézami sanm pou moin sa in manyèr pou dir, si ou i tir défo dsi l’moun, ou i pé gingn in kozman an rotour konm k’i diré pou rapèl aou la réalité. In l’égzanp : ala ké ou di d’in boug lo né lé gro ! An rotour ou i pé gingn nout kozman an o la pou dir, la vote la pa si pti ksa non pli é komans par rogard aou, kansréti dann in glas, avan krétik lé z’ot. Otroman, ou i pé gingn galman in n’ot kozman konm : « bilinbi la di mang karote lé èg »..Dann bann patoi fransé i antann dir tazantan : »i oi la paye dann zyé out kamarad, mé i oi pa la pyèss do boi néna dan la vote. Alé ! Mi kite azot rofléshi la dsi é ni artrouv pli d’van. Sipétadyé.