Mézami mi rapèl in zour, dann mon kartyé, l’avé bande kamion in pé fatigué si tèlman demoune téi di lo propriyétèr : « Akoz ti shanj pa ton kamion, so vyé rafio, konte in joli koshon ». Ladan ou néna pou gagné mé oute kamion sé la ruine. Lo brui té i kour si tèlman k’in zour in moune la fé pou vréman.

Son kamion lété ki tonb an pane toultan, toultan li téi tonbe an pane, si tèlman in zour in moune la propoz ali l’éshanj : son kamion konte in koshon. Si tèlman k’in zour avèk déza kék pti kou san sèss, in boug la fé l’éshanj é sé konmsa k’in soir li l’ariv son kaz avèk o boute la korde in gran koshon noir.

Si mi di azot son fanm l’agoniz ali, zot i pé kroir amwin é li la parti raporte lo koshon é avèk l’ède in kamion la ral son rafio son kaz é la mète ali pou manz zèrb ziskatan la vézétassion la pran possession dsi li.

Alé ! Mi kite azot rofléshi la dsu é ni artrouv pli dvan. Sipétadyé.

Justin