In kozman pou la route

« Shape dann poilon pou tonb dann fé »

20 avril 2021, sanm Justin

Mézami, méssyé, médame, la sosyété, la vi i rézèrv anou dé sirpriz é pa arienk inn foi an passan mé souvan défoi. Si tan tèlman demoun nout péi la nyabou kol band mo dsu sète afèr – la. Insi, kan mi di lo kozman lé marké an-o la, sirman déssèrtènn pèrsone kalifyé dann listoir ansyène, va di : « A ! sa i rapèl amwin in n’afèr ». Sa i rapèl amwin sak téi di dann mon bann liv lékol, kan téi di konmsa : « Tonb dopi karib pou bate dann sila », mé mi doi dir mi ansouvien pi tro bien kossa sa téi vé dir.. Mé sirman, In zistoir d’bato, dann la mèr méditérané, pou évite in kap, badav-bav téi bite dan l’ote é lo pov bato téi fé nofraz. Parèye pou poisson, poilon sho i bril ali, alor li sote par dsi bor épi ala ké li tonb dann fé. Konm k’i diré wi sorte dann in mové sityasion épi wi tonb dann in pli mové ankor. Alé ! Mi panss zot néna sirman bann zéspèryanss konmsa mé an atandan mi lèss azot pou mète azot an sistyasion é ni rotrouv pli d’van. Sipétadyé.

Padport

Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus