Avan ièr, lo dimansh 6 zyin, la France lété si son trantéin pou fèt lo soisantièm anvèrsèr débarkman bann zarmé alié an Normandie. Sa la anpèrmi kraz bann fashis hitléryin lo 8 mé 1945. In lévènman inportan té ki mérite byin so kou d’fanfar !
In gran fète la asosié toute bann péi alié alépok kont lo nazism dann in mèm komémorasion. Mé, pou lo promié foi, lo péi vinki la partisip lo sérémoni. In véritab fèt la libérasion pou toute do moune, i konpri lo pèp alman !
In lokazion pou moin salié bann zène Rénioné - komm dot ayèr dann dot koloni - la pa ézite risk zot vi pou amène zot kontribision dann la viktoire la libèrté an 1945. A tousat la rèt si lo fron, a Bruny, a Paul é a tou lé zot : mèrsi é shapo !!!

Justin