(Page 16)

"Si le “non” parapor le prozé d’Konstitision pou l’Europe lé voté, sa sra... la katastrof’". Jacques Chirac la pa pass’ par kat shemin pou indik anou le sèl shemin posib. Rotroman, selon li, la France va tonb an sharèt shaviré !

Pourtan sé bien le prézidan la Répiblik la shoizi règ problèm Konstitision-la par référandom. É a rézon. Alor poukoué in répons’ sré pèstiféré parapor inn ot répons’ ? Parlfèt, si mi konpran bien, nou la prèske loupé in référandom èk répons’ obligatoir pou le “oui” ! !

Dann le mèm tan - é la i devien komik -, le prézidan la Répiblik i ménas’ : konte pa si li pou alé, li va rèt an plas’ an ka d’viktoir le “non”. Rotromandi, li sra pa zéné ditou pou kondui le sharèt soidizan shaviré ! ! !

Justin