So matin mwin la ékoute « kozman gro-momon » dsi Radio Freedom é so matin lété zistoman léspréssion mwin la marke an-o la. Konm dabitide shakin la di solon li kossa sa i vé dir. Si ni sava o pli sinp nou va dir in sharzèr d’lo sé in mantèr. Mé sak mwin té i vé konprann lété oussa lo kozman i sorte é kèl sé son lorizine. Mwin la pa antann sa... Pétète pars mwin té oblizé alé fé in kourss.

Mé mwin néna mon idé la dsi, mé mi koné pa si lé vré, é sirtou koman dir azot sa. Mwin lé inpé annuiyé pou dir sa. Sharz dolo, sré konm k’i diré in rolassion stéril. Mé in rolassion kan mèm : i di pa larzan d’lo ?

Alé, mi kite azot rofléshi la dsi é ni rotrouv pli d’van, sipétadyé.

Justin