Oté

« Shate kapon i prétan souri i mord » 

In kozman pou la rout

Justin / 26 zwin 2020

JPEG - 43.6 ko

Mésyé, zé Médam, La sosyété koz èk moin sé koz èk in kouyon, mé sé o pyé d’lo mir k’I oi lo mason. Si mi diré azot proverb-la sa in proverb l’afrik, moin lé sir zot noré réponn amoin isi osi I pé di in kékshoz konmsa. Lé vré finalman ! Pou kosa. Pars souvan dé foi bann moun for, i pé mank kouraz é si i di azot akoz ou la pa fé fas, zot i réponn ar pa, mé sé sirman par raport lo kèr la manké. Lo kèr ? Sé li ki komann dann in ka konmsa é si li komann aou : « Rézis ! » ou i rézis, si li di aou « souri i mord » ou i larg lo kor. Alé ! Mi kite azot rofléshi la dsi é ni artrouv pli d’van. Sipétadyé.