Lakey lo sit > Chroniques > Oté
« Shien i aboye i morde pa ! »
In kozman pou la route
zedi 29 séptanm 2022, sanm
Médam, méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.
Mézami, kozman mwin la marke an-o la, sa lé bien koni dopi lontan mé astèr i rèss a oir si lé vré, si lé fo pars lé vré mwin la konète lo shien i aboye é i mord pa, é mwin la konète ossi lo shien k’i aboye épi k’i morde.
Solman nou lé dann in provèrb-la é i fo pi panss lo shien épi son mordaz mé i fo panss la sossyété édann la sossyété souvan défoi lé konmsa : sak i ménass i tape pa sirtou si l lé abityé pou fé pèr. Dizon sé in manyèr fé préssyon plito ké pass o z’akt.
Mi kite azot rofléshi la dsi é ni artrouv pli d’van, sipétadyé.
Justin
