Semèn pasé lavé in gran féstival kréol dann lil Maurice (“Témoignages” des 4 et 5 décembre-reportage de Stéphanie Longeras). Promié foi i fé sa la-ba. Gouvèrnman péi-la la désid fé sa. Akoz ? D’apré sak mi konpran, sé pou mèt anlèr linité nasional. Pou lo vice-promié minis*, bann morisien la sort dann bonpé bato, soman zordi zot lé sü in sèl bato.
Sa lé vré pou Maurice, sa lé vré pou La Rénion, sa lé vré pou tout péi kréol nana sü la tèr. Kan i parl linité i fo parl galman lidantité. Pou lo promié minis lil Maurice,i fo pran konsians "la richesse de l’héritage créole* à Maurice". Banna la parl galman "la créolité" dann in péi, koméla, la pa fasil mèt sa anlèr. Koméla, la pa domin ! Si bann gouvèrnman i vé pou vréman fé avans linité nasional, lidantité, èk "la créolité", va mèt lo tan ki fo,soman ti lanp-ti lanp lafèr va avansé.
Isi galman, shomin gran boi sa té long-sa lé long !- solman ti-pa, ti-pa n’arivé**. Mazine in pé tousa konba nou l’améné. Mazine in pé tousa konba parti kominis l’améné avèk tout bann dalon té dakor pou mèt lidantité rénionèz anlèr.Sak la fé, la pa fé tousle ! franshman-vérité.

Justin

*Xavier duval, vice-premier ministre mauricien *Navin Ramgoolam, premier ministre de l’île maurice ** maloya magnifié par Firmin Viry