Mézami, souvan dé foi dan la vi, wi sèye fèr in n’afèr wi gingn pa : kissoi trouv in travaye, kissoi pass in légzamin, kissoi maryé avèk in madam wi yèm bonpé. In bon dovinèr va di aou, oute shomin lé baré.

Pou koué baré ? Pars solon nou kréol ni kroi lo sor, ni kroi nou lé aranjé. Ni sèye pa trouv in métode pou nou ariv o bi, ni konstat sinploman ni ariv pa o bite… Donk i fo tir lo sor. Anfin sé sak i di, mwin mi diré plito alon rode in n’ot shomin pou gingn passé, épi si i gingn pas é k’lé pa possib.
Alé ! zot i fé konm zot i vé ! zot i kroi sak zot i vé ! Mwin mi kroi pa ! solman mi passré pa sou in léshèl in vantredi 13 pars i koné zamé.. Ni artrouv pli d’van. Sipétadyé.

Justin