Mésyé, Médam, La sosyété, koz èk moin sé koz èk in kouyon, mé sé o pyé d’lo mir k’i oi lo mason. Mé zami, zot i koné shoushout avèk la mori sa dë nouritir i va bien inn avèk l’ot. Si tèlman ké pou di dë pèrsone i antan bien, i di zot lé konm shoushout avèk la mori é si ou i oi inn di aou bien l’ot lé la sansa lé pa loin ditou. Mé pou kosa i di : « Pou lo rèss done de l’èr ? ». Mi pans sinploman sé pou dir kontant azot avèk sa, avèk sak zot néna, é pa bézoin alé shassé dsi in tèr la pa la zote pou vréman-donk pa bézoin alé gate ménaz demoun. Rant zot dé zot lé bien ? Dakor ébin rèss konm zot i lé é sirtou la pa bézoin fé lo gatèr. Alé ! Mi kite azot rofléshi la dsi é ni artrouv pli d’van. Sipétadyé.