In zétoil dann syèl sa sé in kékshoz réspé dé z’o. Néna biensir é sirman in bon takon mé bande toute pti zékli i gingn pa d’ète in zétoil néna sirman pliss ankor. Sa lé bien vré ! Mé sa i anpèsh pa bande zékli égzisté. Sak lé gran, lé gran é sak lé pti lé pti. Sa sé in règloman d’la vi.

Shakinn son valèr mé lé vré pou déssèrtin zot valèr lé rokoni, pou d’ot zot i pass in pé san k’i oi zot. Sa lé vré pou bande zétoil épi pou tout z’obzé volan idantifyé, mé pou nou ossi dann la sossyété.

Alor ni doi fé avèk sinploman san rode midi a katorze èr é sa i anpèsh pa nou fé valoir anou dann lo rol ni lé.

Alé ! Mi kite azot rofléshi la dsi é ni rotrouv pli d’van ? Sipétadyé.