Médam zé méssyé la sossyété koz èk mwin sé koz èk in kouyon mé sé o pyé d’lo mir k’i oi lo masson. Mézami, sak mwin la mark an-o la i rapèl pa zot arien sa, i rapèl pa zot demoun… kisoi dann zot famiy, kisoi an parmi zot zami, kisoi dann la sosyété an zénéral, i diré néna dmoun lé kontan arienk kan zot l’apré ravaz inn é l’ot, rode dézord avèk inn, rode dézord avèk l’ot konmsi la vi pou zot sé bataye avèk demoun. Sa lé vré pou déssèrin moun, mé mwin lé a d’mandé si lé pa vré galman pou déssèrtin péi : sé zot i port la guèr par si par la, sé zot i parkour toutt bann shan d’bataye, konmsi sa i annuiye azot si zot solda la pa apré fé lo konkéran d’issi d’laba. Solman élas, Ménélas, mon kèr lé an filass, afors ravaz bann péi, sé lé zot i vien ravaz aou. Mézami, sa i rapèl azot La franss ? Pé s’fèr mé lapa La franns solman, zot lé kékzin a konort azot konmsa. Alé ! Mi kite azot rofléshi la dsi é ni artrouv pli d’van. Sipétadyé.