Oté

« Si dofé i pran dan la barb out dalon, mète la vot a la tranp »

In kozman pou la rout

Justin / 22 octob 2018

JPEG - 43.6 ko

Mi pans pa sa in kozman La Rényon pars moin la zamé antann sa isi. Mé pétète néna in n’ot manyèr di pars isi galman néna bann sityasion konmsa. Sa i vé dir si out dalon i ginye in pinisyon pou kékshoz fo fèr konmsi ou i pé ginyé out tour. Sirtou alé pa mazine si out dalon la ginyé, ou lé protézé. La sazèss i komann aou pran prékosyon pars kékshoz ou i souète pa si sa i ariv out kamarad lé riskab ariv aou. Alor, mète aou a l’abri konm kozman moin la mark an-o la i rokomann. Sorman i vé pa dir alé trakass aou pou arien, pou kékshoz i ariv ar pa zamé sansa kan kok nora lo dan. Alé ! mi kite azot rofléshi la dsi é ni artrouv pli d’van. Sipétadyé !