Mézami, mi pans pa kozman-la, sa in kozman La Rényon pars mwin la zamé antann sa issi, shé nou. Mé pétète néna in n’ot manyèr di pars issi galman néna bann sityasion konmsa. Sa i vé dir si out dalon i gingn in kou d’ rèst trankil, mé fyé aou pars oute tour lé riskab arivé-é sa lé vré pou demoune i viv in pé an déor d’la loi.

Sirtou alé pa mazine si out dalon la gagné, ké ou lé protézé, ou lé protézé. La sazèss i komande aou pou pran prékosyon pars kékshoz wi souète pa i ariv oute kamarad, i pé ariv aou galman. Alor, mète aou a l’abri, pran oute prékossion, konm kozman moin la mark an-o la i rokomande.

Solman i vé pa dir aou alé trakass pou arien, pou kékshoz i ariv ar pa zamé sansa kan kok nora lo dan.

Alé ! Mi kite azot rofléshi la dsi é ni artrouv pli d’van. Sipétadyé !

Justin