Oté

« Si i sonn kré kan ou i tap kou d’tète dann in po, la pa sir sé pars lo po lé vid »

In kozman pou la rout

Justin / 23 zwin 2018

JPEG - 43.6 ko

Si mi tronp pa sa in kasaz ti-boi. Pars dann in ka konmsa dé solisyon lé posib : soi sé lo po k’lé vid épi li sonn kré, soi sé la tète k’lé vid é dann in ka konmsa sé li k’i sonn kré. Mé a bien oir, in moun i bate son tète kont in po an tèr, mi pans li la pa l’intélizans l’apré touf ali. Mi pans pa, konm in pé i di, li la kass lo kate patt in kanar. Mi koné pa si zot néna in n’afèr pou mète la dsi, sansa si sa I amen azot pou rofléshi pli k’i an fo. Mé rofléshi pa lontan, pars, l’èrla demoun va kalkil sé z’ot tète lé vid é la pa lo po an tèr. Alé ! Ni artrouv pli d’van. Sipétadyé.