In kozman pou la rout

« Si in gazèl la bien soif, la pa bézoin li sar d’mann dolo avèk lion. »

25 zanvié 2017, sanm Justin

Zot i koné la soif sa in n’afèr lé pa agréab : boush sèk, gorz sèk, saliv sèk, ou la ziska pèr anval out lang. Ou lé malèz, sa lé sir ! Arzout èk sa nout kor la bézoin son doz dolo pou li fonksyone konm k’i fo. Dakor ou la soif ! Dakor dolo i mank aou ! Mé sak lé vré osi si ou sé in gazèl lé pa nésèsèr alé domann lion kansréti in pti gine dolo. Pars lion, li oi son bézoin manzé avan tout é sak lé riskab ariv lo gazèl, la pa arienk dann fime i oi sa. Sa sé lo sans prop, mé lo sansa figiré ? La moral dann l’istoir ? é bien sinp, i di aou konmsa, sort pa dann in danzé pou alé dann in pli gran. Ou lé bien riskab rogrété. Alé ! An atandan zot i fé travay z’ot koko, ni artrouv pli d’van sipétadyé.

Padport

Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus