Ala in kozman i sort pa isi La Rényon. Pou dir la vérité, li sort déor mé i pouré ète in proverb La Rényon. Dizon li néna in valèr inivèrsèl mé kosa li vé dir par l’fète, si ou i mète do koté lo do, avèk la figuir ? Sinploman, d’apré moin, si in moun i donn aou kou d’min, mèm in bon koudmin, ou lé pa oblizé lèss ali fé tout. Konm i di parfoi : sak i done la rou i ral pa sharète. In kou d’min i ranplas pa laktèr principal-é dé la pa fé tout son tousèl. Poitan i ariv dé foi la pèrsone édé i abizdsi sak i donn kou d’min. Alé ! Mi kite azot pou rofléshi la dsi é ni artrouv pli d’van. Sipétadyé.