Oté

« Si in moun i di li anval in koko, lès ali fèr ! Li san son kor »

In kozman pou la rout

Justin / 18 octob 2019

JPEG - 43.6 ko

Mésyé, Médam, La Sosyété, koz èk moin sé koz èk in kouyon-sé o pyé d’lo mir k’I oi lo mason. Par l’fète lo proverb africain I di konmsa mé lé proférab ékri sa an pti lète plito k’an gro lète : si in moun I di li aval in noi d’koko, less ali fèr, li fé konfyans son l’anus. Sa lé rigolo pou d’bon, mé kosa sa I vé dir ozis : lo zistoir d’koko, lo zistoir l’anus sa sé pou farsé mé sanm pou moin, sak I vé dir, sé si kèlk’in I vant ali fé in n’afèr inposib ébin I fo lèss ali fèr. Soi li va dégonflé, soi li va fè é l’èr-la konm di lo patoi : va ‘rivé sak va ‘rivé, advienne ké poura. Moin pèrsonèl mi yèmré dékouraj la pèrsone pars pé s’fèr èl i mézir pa bien son défi konm défi sak I di li va boir in lite lo ronm épi I mouye ali avan li la fine vid lo boutèye. Alor ! Siouplé, si ou i vé lans aou in défi, kalkil bien out afèr, sansa si ou i kalkil pa mi pans I mank pyès dann out tète. Alé ! Mi kite azot rofléshi la dsi é ni artrouv pli d’van. Sipétadyé !