Oté

« Si in moun i doi viv, li viv, mèm si wi kraz ali dann pilon »

In kozman pou la rout

Justin / 23 mars 2021

JPEG - 43.6 ko

Méssyé, Médame, la sosyété koze èk mwin sé koz èk in kouyon, mé sé o pyé d’lo mir k’i oi lo masson. Mézami, kozman moin la mark an-o-la sa in komn l’afrik, mé mi panss in pé partou néna demoun i oi lé shoz konmsa. Kossa sa i vé dir boudikont ? Sinploman ké l’ère la pèrsone la pankor arivé. Issi La Rényon demoun va di : « Son l’ère té fine arivé ». In zour mwin la antann in moun apré di : Kan gramoun la-o i koupe lo fil la vi ébin la vi lé fini… Mé déssèrtin i di si in moun lé ankor vivan sé par mirak : sé par mirak Lazarre la sorte vivan dann son tonbo. Issi mèm néna demoun i rakonte zistoir lo mor la rolové : mwin la konète in vyé madam, mor a douzan, réssissité épi mor définitivman kan li l’avé in syèk. Mé demoun i kroi lo dèstin va di : « Son l’èr té pankor arivé. ». Alé ! Mi kite azot rofléshi la dsi é ni artrouv pli d’van. Sipétadyé.