Mi domann éskiz sak la pèrd in famiy zordi mé provèrb-la, la pa moin la invant ali. Mi pans li sort dann l’Afrik, dann in tan lété pétète pli proférab d’ète mor ké vivan... Kosa li vé dir ? Sinploman fé sanblan la pa in bon n’afèr. Fé sanblan mor, dann in tan l’avé poin éspésyalis problèm la mor lété in pé riské pars téi fé pa sanblan pou kapote aou dann in fos. Mi rapèl, pou mon par, in moun la fé in fos mor isi La Rényon ébin rozman pou li, li la révéyé kan domoun la komans fé dézord dan lé zalantour. Mi diré pa demoun lété rasiré kan li la di « Bayoun ! » konm li l’avé labitid dir. I paré d’apré sak demoun la di dovan moin, tout la vi téi rèss ali pou viv l’avé touzour inn pou rogard ali an travèr. An souvnir kékshoz demoun i pans li la fé konmsi. Alé ! Ni artrouv pli d’van mé mi invite azot kant mèm bien rofléshi sète afèr-la é ni rotrouv pli d’van. Sipétadyé.