In kozman pou la rout

« Si in zèf la nyabou rant dann in boutèye tousèl, li va nyabou sort tousèl »

11 avril 2019, sanm Justin

Zot i koné tour d’maji i oi tazantan dsi l’internet. Si zot i koné pa alon arvi ansanm : in moun i pran in zèf dir bouyi, li tir bien la kok. Aprésa li alime in koton lalkol é li mète sa dann in karafe. Aprésa li poz poz lo zèf par anlèr lo goulo é li larg lo tou. Lo fé i fé l’vide dann karaf é lo zèf lé atiré o t’an ba é pi li tonm dann fon lo boutèye. Normal, in sinp problèm fizik. Mé si lo zèf lé kri épi la kok lé dir, tèl ke sé konm ni koné ali. Sé in n’afèr i gingn ar pa fèr. In n’afèr absurd ! In sinp kouyonad ! Mé si lo zèf la nyabou fèr, li na ka ansort ali par lo mèm. Moralité : si ou i fé in kouyonad, i fo ou i kalkil koman ou va gingn ansort aou. Alé ! Mi kite azot rofléshi la dsi é ni artrouv pli d’van. Sipétadyé !

Padport

Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus