Konm in zésklav grèk téi apèl Ezope i di avèk son mète : « la lang sé la mèyèr épi la pir dé shoz. ». Mi panss mwin la fine rakonte sa dann témoignages donk mi sava pa anparl azot sa zordi ankor mé si zot i domann sa zot téléfone lé possib li rakonte azot sa an détaye.

Issi La Rényon i di, avèk la lang, wi pé vann in péi. Wi pé vann in moune galman, mèm vann in révolissyon konm Figaro la vann son bann kamarad dann la révolt Sin-lé. Mé avèk la lang wi pé mète in pèi avèk in pèp anlèr, wi pé galman vanj pou lo shanjman.

Alé ! Mi kite azot rofléshir la dsi é ni retrouv pli dvan, sipétadyé.

Justin