Oté

« Si l’apa i vann pli shèr k’poison, la pi nésésèr alé la pèshé »

Justin / 21 out 2018

JPEG - 43.6 ko

Mi rapèl in zour dann brizan Sin-Lé péshèr kanote té apré rode l’apa é moin sé domann pou kosa li té aspèr lo tar konmsa pou alé la pèsh. Pou kosa li la pa tienbo sa dsi son pèsh la vèye ? Sansa pou kosa li ashté pa l’apa ? Li la gard amoin an riyan épi li la di amoin kozman moin la mark an-o la. Poitan moin té fine oir dann liv bann pèshèr dann péi déor i gardien l’apa dann kazyé avann alé an mèr é pou moin sa lété pli proférab par raport lo pèrt do tan. Final de kont moin la konm konpri si sé po gingn trépé ou i sava pa tir ankor dsi l’trépé sirtou si ou i pans poison dan la mèr lé dan la mèr, pa dann kanote. Alé ! Mi lès azot rofléshi la dsi é ni artrouv pli d’van sipétadyé !