Témoignages - Journal fondé le 5 mai 1944
par le Dr Raymond Vergès

Lakey lo sit > Chroniques > Oté

Si lété nou k’i komand anou, sirman noré pa été konm i lé !

mèrkrodi 9 désanm 2020, sanm Justin

Matant zélida la ékrir justin :
Mon shèr nové, mon spèss salté, rouj-de-fon dopi l’étèrnité,mwin na pou di aou in n’afèr : Konm wi oi, ni sort amenn in l’ané pa ordinèr, avèk in virius toultan té apré fé kass-kou déyèr nout do.Ni s’anplègn, ni s’anplègn, mé si lété pa la franss ousa nou noré té koméla. koman nou noré fé pou ranpli nout boujaron, pou songn nout santé, pou kontinyé amenn in vi konm i di in pé potab.Si lété pa la Franss in an l’avé asé pou fé rotourn anou dann tan la mélédiksyon, lo tan gran momon, lo tan d’avan d’avan d’avan.Tok ! Pran sa pou toi !
Justin la fé pou réponss :
Mon vyé matant k’i koz touzour la boush rouvèr : mi antan bien sak wi di, mé mi baz pa dsi out rézoneman. Pou kossa ? Pars si nou lété pa dann réjime wi koné, pars si konm nou téi vé nou l’avé asir nout sékirité alimantèr, si nou l’avé trap konm ni voulé nout lotonomi énèrzétik, si l’avé lèss anou la possibilité komand anou dan l’otonomi konm nout bann kouzin morisien la komand azot . An pliss si l’avé lèss anou fassone nout lékonomi konm nou téi vé, épi amenn nout prop politik santé. Mi pé asir aou matant nou noré fé moin pityé ké dann in vi artifisyèl bann gouvèrnman la obliz anou viv dodan.In kamard la fine désote la vi téi di toultan :kissa i komand nout péi ? kissa i komand nout pèp ?La pa nou domaz mé si lété nou, zot nora pa gingn fé pèr anou avèk in maladi nou nora mète a l’ékar, n ou nora métriz ali, karsèr ali .Alé ! Pran sa pou toi épi mète ton moushoir par si.



Inn modékri, inn ti lavi, inn komantèr ?

signaler contenu


Facebook Twitter Linkedin Google plus