In kozman pou la route

« Si lété poisson, té fine gaté ! »

9 zanvié, sanm Justin

Médam zé Méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami kom mwin zot la fine antann kari poisson-la sa konsèrv pa lontan, vitman-vitman li gate. Poisson mi rapèl pa, kari shovrète gaté, sa mi an souvien bien sirtou pou sak li la fé dsi mon léstoma li la tourn sa dovan-déyèr. Mé sa sé lo sanss prop pars kozman-la néna galman in sanss figuiré.

Kansa i di kozman konm sa ? I di kan wi domann in n’afèr é kan i réponn aou par oui, mé wi oi pa arien arivé. Bann marmaye lé for pou sa ! La pa pars la réponn aou par oui ké l’afèr v’ariv san tardé. Sa lé koni é pliské.

Alé ! Mi kite azot rofléshi la dsi é ni rotrouv pli d’an, sipétadyé.

Justin

Padport

Signaler un contenu

Inn modékri, inn ti lavi, inn komantèr ?