(page 16)

“Le tram-trin si lo rail” : ala in nouvèl la soulaz bonpé Rénioné. La pa tou lé zour ni voi in bèl zafèr konmsa. In larz mazorité konséyé la Rézion, apépré toute bor politik, vote pou in solision kapab niabou grav problèm déplasman lé antrèn touf not péi. Lété tan !

Parske la siprésion ti-trin lontan - mèm si désèrtin azisterézon i pé èt fièr avoir été kont alépok - la touzour rèt konm in poi si nout gongon d’kèr. Mé par koman bann Rénioné, soidizan rèsponsab dan l’tan, la pi asosié azot èk in désizion osi katastrofik pou zot péi ? ! !

Zordi, paz-la lé tourné, é Rénioné la retrouv azot antrozot. Rénioné la fé le démonstrasion son kapasité èt rèsponsab. Sof, évidaman, le ti minorité ziltra la vote kont ; ou, pirksa, la réfizié azot dann labstansion. Zot i rann azot konte : fé le mor in landomin d’ Pak ! ! !

Justin