Témoignages - Journal fondé le 5 mai 1944
par le Dr Raymond Vergès

Lakey lo sit > Chroniques > Oté

« Si lo rish i manze kamaléon va di sé pou songn ali. Si in pov i fé parèye va di li lé gourman »

In kozman pou la route

zedi 25 novanm 2021, sanm Justin

Médame, Méssyé, la sossyété, koze èk mwin sé koze èk in kouyon, mé sé o pyé d’lo mir k’i oi lo masson.

Sak kozman-la i di sé ké dann noute sossyété i ziz pa lo rish épi lo pov même manyèr. Va touzour trouv in léskize pou lo rish é pou lo pov i trouv ar pa. Lo pov néna arienk défo : la prèv sé ké li l’arèss pov. Lo rish lé san défo inéskizab lo pov néna pli d’viss ké l’izine bofon é sé pou sa k’lo rish i réissi é lo pov non. Pèrsone i vé pa d’ète pov donk lo pov i pé pa an avoir rézon.

Parèye pou lo moune déor épi lo moune d’issi : i fo kopyé lo moune déor pars li amenn lo nouvo, lagréab é lo moune d’issi i amène koué ? Li amenn pa rien. La prèv, li lé la pou kopyé lé zot é demoune i an vé ali pou sa pars i rokoné mèm pali lo droi émité.. In zour, néna bien lontan, in nouvo boisson l’arivé : l’apèl ali wisky, é bande moune déor téi boir sa donk bande rényoné la mète a boir ali – zot i konpran zandarm téi boir sa donk sa i fé distingué. Konm zordi shanpagn é dssèrtin i rafol de sa... Poitan i pé gingn bon siroze avèk sa, i pé même pèrde la tète.

Alé ! mi kite azot rofléshi la dsi é ni artrouv pli d’van. Sipétadyé.



Inn modékri, inn ti lavi, inn komantèr ?

signaler contenu

Plan


Facebook Twitter Linkedin Google plus