Sa in n’afèr i romont na bien lontan. In ga té apré donn lo grin son bo-fra : kozman dsi kozman, lo boug l’avé asé pou sharj in sharète mil sink san kilo. An parmi lo bann jirman li trète lo boug makro épi li arète in kou é li di sak moin la nonm an-l’èr la. An moin-mèm moin la pans lo do vèr sé li-mèm in poisson makro, avèk in do vèr.

La pa vréman in provèrb mé si l’été nora vouli dir sak i kont pou vréman sé pa lo mo par li-mèm, sé lo réalité. K’i trèt aou inn, osinonsa k’i trèt aou l’ot i shanj arien.. l’ésansyèl sé ké lo konténi lé la.

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké, rant-rant, ni pé z’ète, dakor, rantre nou.