Oté

“Si mi di zot va konète !”

In kozman pou la rout

Justin / 23 out 2019

JPEG - 43.6 ko

Mésyé, médam, la sosyété kozman moin la mark an-o la, sa in kozman mi antann dir dopi lontan é fransh vérité, si demoun i di sa, si demoun néna sa dann l’orèye ziska zordi zot i koné sé pars konm i di zordi kozman-la i di amoin kékshoz. Néna désèrtin patoi i aparète épi i disparète konm in fougade, in plézantri d’moun i akonpagn anou in bout tan épizapré i larg anou sansa sé nou k’i larg ali. Mé néna d’ot i ariv épi i ropar pi, i rèss avèk nou pou akonpagn anou dann nout parkour épi apré i akonpagn nout bann zanfan épi pour sir nout ti zanfan épi plizyèr zénérasyon. Ni pé d’mann anou pou kosa sa i spas konmsa : in répons pars i fé ri la boush, in dézyèm : sé pars i dikt anou in manyèr konport anou dann nout kominikasyon. Myé vo tak nout baro ké lèss ali gran rouvèr pou fé sort-rant bann zinformasyon.sé la sazèss k’i komann anou pou fèr sa. Alé ! Mi kite azot rofléshi la dsi é ni artrouv pli d’van. Sipétadyé !