Oté

« Si na poin dofé, na poin la fimé »

In kozman pou la rout

Justin / 19 séptanm 2018

JPEG - 43.6 ko

Ala in provèrb danzéré. Pou kosa ? Pars li vé dir si in brui i kour sa i vé dir néna kékshoz la spassé. Si la rimèr i di konmsa ou néna kékshoz a oir avèk in n’afèr la spassé, néna kékshoz de vré, kék par. Poitan, zot i pans pa néna désèrtènn rimèr i baz pa dsi arien. In sinp kalomni, in sinp mansonz invanté é ala lo koupab idéallé fine trouvé. Poitan ni koné bien lo kozman k’i di konmsa : kroi solman la moityé sak ou la vi, kroi pa ditou sak ou la antandi. Mèm si néna dé prèv ? Zot la zamé antann parl bann prèv fabriké ? Poitan dann listoir mèm néna in bonpé éskandal la zamé égzisté é demoun la pèye lé konsékans. Donk, alon méfyé dann tou lé ka. Alé ! Mi kite azot rofléshi la dsi é ni artrouv pli d’van. Sipétadyé.