Mézami néna déssèrtin mo k’i sava ansanb konmsa osinonsa inn kontre l’otre : inn i égzis pa tousèl, li égzis par rapor a l’ote. Sa lé konm la nuite épi lo zour : si la poin lo zour la poin la nuite. In pyèss larzan néna son koté pil épi son koté fass-dann tan fran cfa l’avé koté flèr épi koté tète. La médaye néna son revèr.

Dann tou mal néna in bien é dann tou bien néna in mal, donk bon konsékans é mové konsékans.

Si ni arvir dsi noute kozman d’dépar. In pé va di lé konm in kontradikssyon avèk son dë pol, lo pol « shassèr » é lo pol « shassé ». Mé koman i dépass kontradiksyon-la ? Par lo o… pé s’fèr si i siprime la shass (la pa domin la vèye) na pi d’kontradiksion.

La kontradikssion lé réglé par son dépassman. Lé ga ! Mi sava pa pli loin mé an bazan dsi sak mwin la ékri mi invite azot a rofléshi la dsu é ni artrouv pli d’van. Sipétadyé.

Justin