Oté

« Si ni oi pa na ékri ? »

In kozman pou la rout

Justin / 16 zanvié 2018

JPEG - 43.6 ko

La Rényon lé pti, mé i spas plizyèr moi, mèm plizyèr z’ané san k’ou i trouv in moun ou i koné. Défoi mèm in famiy. Si la pa in mortalité ou lé riskab pa rovoir out famiy sof in kou d’azar, mé lo azar lé rar konm korn lapin. Solman ni fé, la plipar d’tan konmsi nou la trouv zordi é ni sava artrouv domin matin.alé oir la pa vré ditou… In n’ot afèr : kan ni di nou va ékrir, sa sé in plézantri définitiv, pars la plipar d’tan ni ékri pa non pli. Lé vré, koméla, avèk bann rézo sosyo, épi téléfone, lé pli fasil trouv lé z’inn épi lé z’ot. Ou i pé fé z’ami épi ou lé an bone rolasyon avèk demoun ou i koné. Dé foi plizyèr santène demoun ou i koné san konète réèlman. Mé o fon la pa pou sa ou i frékant réèlman, ou i mésazé in poin sé tou.alé ! Mi lèss azot rofléshi la dsi é ni artrouv pli d’van sipétadyé.