Nou bande zami la koz chagossienne nou lété dann lo triste pars kom Olivier Bancoult téi di, i fète pa in n’afèr konmsa, mé i lèss pa sou silanss pars bande chagossien épi zot soutien i pé pa pass sa sou silanss..Mé an mèm tan, l’avé kékshoz an nou téi invite anou a garde léspoir vi ké nou téi koné GB épi Maurice té apré négossyé.

Bien sir i négossyé an silanss, an sogré, mé toudinkou sa i sorte dann karo piblik l’informassion pars té pa possib otroman .So kou issi sé dann la Chanb député la Répiblik Maurice ké la fé in sobatkoz é bande zoinal i rolate sak la éspassé. La anparl lo rolozman bande chagossien pars solon lo premyé minist Jugnauth bande négossyassion i avanss bien é i tarde pa pou abouti.

Bien antandi sa i rande bande chagossien optimist mé zot i obliye pa ziska zordi zot lé pa assossyé dann bande négossiassion donk zot lé in pé a l’ékar dann bande déssizyon. Mé zot i panss kan va rante dann lo konkré, so kou issi i fodra bien k’i ékoute azot.

A bon antandèr, salu !