Tousa bann kandida pou in zéléksion. I diré banna i pran sa pou in jë : zot i konfonn la manièr amén la vi dann la cité, avèk in n’afèr pou fé d’bien zot shëviy gonflé. Zot i doi mazine zot i fé parti lo bann mèrvèy dï mond. Soman, nou bann ti kolon, k’i kontant rienk voté, nï oi pa zot pli ékstra k’sa.

Pou mon par, mi agard sak nana in bon projé pou La Rénion, épi in bann bon soutien - i apèl sa in rézo - épi ankor sak nana sak i apèl la krédibilité vizavi d’nou, vizavi bann moun na kart dann zot min pou désidé, vizavi lo gouvèrnman. Mi koné nana dmoun konmsa, mé la poin an gaspiy !
Nana kandida la fine fé zot prèv, nana lékspérians, nana bon kalité z’idé, épi nana zapui isi konm an Frans. Sé pou moun konmsa mi sar voté akoz moin na konfians dan zot.

Kant a sak lé la pou fé lo ta : si zot la fine pass lo rubicon, sé zot afèr. Mi invit azot, kant mém, réfléshi in pë sï provèrb afrikin-la : si ou lé désidé anval in noi d’koko, mazine bien out anus ! (koman i di sa an kréol, ankor ?)

Justin