Oté

« Si ou i di ou lé désu, sa i vé dir out konfyans té mal plasé »

In kozman pou la rout

Justin / 11 zwiyé 2018

JPEG - 43.6 ko

Kozman-la ou i antann sa in bonpé foi. Inn la désu amoin, l’ot la désu amoin. Mi pansé pa li té i sava désoi amoin konmsa. In kaz lé solid, sansa li lé pa. Si promyé kou d’van li pèrd son toi, sansa li kapote atèr, sa i vé dir li lé pa solid. Sa i vé dir galman son proproiyétèr la pa asur ali d’avans dsi la késtyon son solidité. Parèy avèk lo moun ! Dé zour ou i koné ali, ala déza ou lé fine plas out konfyans dan li.I fo ète sèryé dan la vi : shakinn i doi fé son prèv. Toultan li la pankor fé son prèv ou i pé pa baz dsi li . Parèy dann maryaz. Parèye dann travaye. Alé ! Mi kite aou fé travaye out koko la dsi é ni artrouv pli d’van. Sipétadyé !